Заримдаа энд "харлачихсан"байсан ч болоосой гэж бодогддог юм. Үнэгүй эмнэлэгт хамрагдаж, улсын хангамжаар зардал багатай амьдарна. Эсвэл бичиг баримттай ч орлого доогуурт тооцогддог болоосой гэж "мөрөөдөх" үе бас гарна аа.
Шударга, чин шударга оюуны хөдөлмөрөөрөө хүний компанид зүтгэж, өндөр такс цалингаасаа төлж, нэг ёсондоо америкийг нуруундаа үүрч яваа дундаж амьдралтай би, бид хэд заримдаа хөөрхий.
Дээшээ гарч бизнес хийх гэхээр хөрөнгө бөгөөд төрөлх авхаалж дутаастай. Доошоо орж нийгмийн халамжинд хамрагдана гэхээр улс орноо хуурах сүйхээгүй үнэнч ажиллахаас өөрийг мэдэхгүй улс.
Тэгсэн ч би өөрийгөө баян хүн гэж тооцдог. Хадгаламжаараа баян биш ч амьдралын хэв маягаараа баян. Хэтэвчээрээ зузаан биш ч, сэтгэлээрээ зузаан.
Мань мэт шиг шударга, алтан дундаж "америкууд" байхгүй болчихвол гадаад дотоодын харласан болоод орлого доогуур хүмүүсийг улс хэрхэн тэжээх вэ? Төлсөн татвараас маань тэднийг тэжээдэг юм ш дээ. Тийм болохоор би баян хүн гээд онгирчих уу?
төстэй бичлэг
төстэй бичлэг 2
Тэр ч үнэн! Гэхдээ нийгмийн халамжинд хамрагдаж, нэг хэсэг сэтгэл амар явахсан гэж хааяа боддог л юм. Ялангуяа бусдын хөдөлмөрийг шалз мэт сорж амьдардаг нэг хэсэг бүлэг хүмүүсийг хараад ой гутах шиг.
ReplyDeleteхэлээд юухэв. нийгмийн халамжинд хамрагдаж мань мэтийн хөдөлмөрийн хөлсөөр үйлчилгээ авчихаад өөрсдөө үнэтэй брендийн цүнх ичих ч үгүй бариад л явна шүү дээ.
ReplyDelete